საოჯახო ტექნიკა კაბელის გარეშე და მობილური ტელეფონი, რომლის ელემენტი არასოდეს დაჯდება - შესაძლოა, ეს ფანტაზია გეგონოთ, თუმცა ქართველი მეცნიერები ამაზე უკვე დიდი ხანია ფიქრობენ და ინოვაციურ მეთოდსაც მიაგნეს.

საქართველოს ტექნიკური უნივერსიტეტის პროფესორი ზაალ აზმაიფარაშვილი გვაჩვენებს, როგორ მოქმედებს ელექტროენერგიის უკაბელო გადაცემის აპარატი და როგორ ინთება ხელში ყოველგვარი კაბელის გარეშე სხვადასხვა ფორმისა და ზომის ნათურა. აპარატი სრულიად უსაფრთხოა გამოსხივების მხრივაც.